মহালয়ার পবিত্র তিথিতে" নয়া ঠাহর "শারদ সংখ্যা প্রকাশিত হল কান্দি থেকে

চিপিআই (এম-এল)

অসম ৰাজ্যিক সমিতি 

ভেটাপাৰা, গুৱাহাটী-২৮ 

 নয়া ঠাহর, সংবাদদাতা,রানি গুয়াহাটি,:

 *অসমীয়া প্ৰতিদিনৰ ওপৰত আক্ৰমণ গণতন্ত্ৰ হত্যাৰ নিকৃষ্ট প্ৰচেষ্টা*  

   গুৱাহাটী, ২৬ মাৰ্চ, ২০২৬ : ঐতিহাসিক শিৱসাগৰত শাসকৰ মদতপুষ্ট গুণ্ডা বাহিনীয়ে জনপ্ৰিয় প্ৰতিদিন কাকতৰ হাজাৰ হাজাৰ কপি জ্বলাই দিয়াৰ ঘটনাক চিপিআই(এম-এল) দলে তীব্ৰ গৰিহণা দিয়ে ৷ এক প্ৰেছ বিবৃতিত দলৰ ৰাজ্যিক সম্পাদক বিবেক দাসে কয় যে “ এইবাৰ নিৰ্বাচনত শাসক দলৰ মদতপুষ্ট এচাম দুৰ্নীতিগ্ৰস্ত , অপৰাধী , হত্যাকাৰী, ভূ মাফিয়াই  প্ৰাৰ্থীত্ব লাভ কৰাৰ পাছত জধেমধে অপৰাধ কাৰ্য সংঘটিত কৰি আৰু ভয়- ভাবুকিৰে তথা সংবাদ পত্ৰৰ ওপৰত আক্ৰমণ নমাই নিৰ্বাচনী বৈতৰণী পাৰ হ’বলৈ অপচেষ্টাত নামি পৰিছে ৷ এনে অপচেষ্টাৰ অংশ হ’ল প্ৰতিদিন কাকতৰ ওপৰত আক্ৰমণ ৷সেযে এই নিৰ্বাচন হৈ পৰিছে গণতন্ত্ৰ ৰক্ষা আৰু গণতন্ত্ৰ হত্যাকাৰীৰ মাজৰ যুঁজ আৰু অপৰাধ মুক্ত এখন অসম গঢ়ি তোলা আৰু  পুনৰ হত্যা - হিংসাৰ বিভীষিকাৰ অসম গঢ়ি তুলিবলৈ চেষ্টা চলোৱাৰ মাজৰ যুঁজ ৷  চিপিআই(এম-এল)য়ে অসমৰ সমগ্ৰ জনগণক নিৰ্বাচনত ঐক্যবদ্ধভাবে থিয় দি  এনে অপৰাধীসকলক উচিত শিক্ষা দি এখন অপৰাধমুক্ত, দুৰ্বৃত্তমুক্ত  গণতান্ত্ৰিক অসম প্ৰতিষ্ঠাৰ সংগ্ৰামত দৃঢ়তাৰে আগবঢ়াই নিবলৈ বিনম্ৰ আবেদন জনায় ৷ 

                   স্বা : বিবেক দাস

       সম্পাদক,

অসম ৰাজ্য সমিতি

  চিপিআই (এমএল)

                 ২৬/০৩/২০২৬