নয়া ঠাহর

ৰাজনৈতিক ক্ষেত্ৰত মহিলাৰ পুতৌজনক অংশগ্ৰহণ কিয় ?  চন্দ্ৰ কুমাৰ শইকীয়া বৰ্তমান ৰাজ্যৰ ৰাজনীতিত মহিলাৰ অংশগ্ৰহণ পুতৌজনক৷ নীতি অনুসৰি ৩০ শতাংশ সংৰক্ষণৰ কথা কোৱা হয় যদিও কাৰ্যক্ষেত্ৰত সেয়া প্ৰতিফলিত হোৱা নাই৷ শুকুৰবাৰে মুখ্য নিৰ্বাচনী বিষয়াৰ কাৰ্যালয়ৰ পৰা এক আনুষ্ঠানিক বিবৃতি অনুসৰি আগন্তুক অসম বিধানসভা নিৰ্বাচনত প্ৰতিদ্বন্দ্বিতা কৰা মুঠ প্ৰাৰ্থীৰ মাত্ৰ ৮ শতাংশহে মহিলা। ৯ এপ্ৰিলৰ নিৰ্বাচনৰ বাবে চূড়ান্ত কৰা ৭২২ জন প্ৰাৰ্থীৰ ভিতৰত ৬৬৩ জন পুৰুষ আৰু ৫৯ জন মহিলা, কোনো মনোনীত ব্যক্তিয়ে তৃতীয় লিংগ শ্ৰেণীক প্ৰতিনিধিত্ব নকৰে। ৰাজ্যখনৰ ১২৬টা সমষ্টিত ৰাজনৈতিক কাৰ্যকলাপে শিখৰত উপনীত হোৱাৰ সময়তো মহিলাৰ এই কম প্ৰতিনিধিত্বই এক আলোচনাৰ বিষয় হৈয়েই আছে। শাসকীয় বিজেপি- এনডিএ আৰু বিৰোধী ঐক্যৰ সকলো দলেই নাৰীসকলক প্ৰাপ্য মৰ্যাদা প্ৰদান কৰা নাই৷ বিগত দুটা বিধানসভা নিৰ্বাচনত মহিলাসকলে পুৰুষতকৈ অধিক ভোটদানৰ ৰেকৰ্ড গঢ়ি তোলাৰ পিছতো - ৰাজনীতিত মহিলাৰ প্ৰতিনিধিত্ব অতি কম হৈয়েই আছে। এই কথা কেৱল বিধানসভাত তেওঁলোকৰ অসমতাপূৰ্ণ সংখ্যাই নহয়, বিধানসভাত স্থান লাভ কৰাসকলৰ দক্ষতাৰ নমুনাও প্ৰমাণ কৰে। হয...